අරියකම්මට්ඨාන සංවිධානය විසින් දීර්ඝ කාලයක් තිස්සේ බුදු හිමියන්ගේ සහ සිංහල ජන වර්ගයේ ජාතික අනන්‍යතාවය සහ ඉතිහාස කරුණු නිවැරදි කිරීම සඳහා විශාල කාලය සිට දැඩි සටනක නියැලුණි. අද දින එම සටන ඉතා වටිනා සන්ධිස්ථානයකට ගෙන ඒමට එම සංවිධානය සමත් විය. අනන්ත අප්‍රමාණ බුදුවරුන්, තීතංකරවරුන්, මහ ඍෂිවරුන් ඉපිද ජීවත් වූ පැරණි දඹදිව ලංකාවට අයත් ප්‍රදේශයක් පමණක් වන බවත්, එය ඉන්දියාවේ බවට අද පිළිගන්නා මතය ලොව ස්ථාපිත වූයේ බ්‍රිතාන්‍ය යටත් විජිත පාලන සමයේ ඔවුන් විසින් කරන ලද ඉතිහාස තොරතුරු විකෘතියක් නිසාවෙන් බවත් පැහැදිළිව කරුණු දැක්වීමට එම සංවිධානය සමත් විය.
මෙම ඉතිහාස තොරතුරු විකෘතිය නිවැරදි කිරීම සඳහා ජන්බුද්දීපය සහ දඹදිව (ජඹුදීපය) නිවැරදි පිහිටීම සොයාගැනීමට අරියකම්මට්ඨාන සංවිධානය විද්‍යාත්මක පර්යේෂණ ගණනාවක් දියත් කරන ලදි. ඒවායේ ප්‍රතිඵලයක් ලෙස එම සංවිධානය විසින් ජන්බුද්දීපය සහ දඹදිව නිවැරදි පිහිටීම ඉතා පැහැදිළිව සොයාගෙන ඇත. පුරාවිද්‍යාත්මක, අභිලේඛන, තාරකා විද්‍යාත්මක සාක්ෂිවලට අමතරව භූමිතික පර්යේෂණ යනාදී විද්‍යාත්මක පර්යේෂණවලින් සොයාගන්නා ලද පිටු 500ක පමණ විද්‍යාත්මක සාක්ෂි සම්පිණ්ඩණයක් එක්සත් ජාතීන්ගේ සංවිධානයට, පොදු රාජ්‍ය මණ්ඩලීය මහලේකම් කාර්යාලයට මෙන්ම, එංගලන්ත, ඉන්දියා, ශ්‍රී ලංකා, නේපාල යන රාජ්‍යයන්ට මේ වනවිට නිල වශයෙන් ඉදිරිපත් කරන්නට කටයුතු කර ඇත.
මේ සඳහා සහය දීමට ජාත්‍යන්තර මානව හිමිකම් ක්‍රියාකාරීන් සහ නීතිවේදීන් විශාල සංඛ්‍යාවක් ඉදිරිපත් වී ඇති අතර, බොහෝ විදේශ රාජ්‍යයන්ගේ අවධානය මේ වෙත යොමු වීම ද දැනට සිදුවෙමින් පවතී.
මෙම ඓතිහාසික මොහොත අද දින එක්සත් ජාතීන්ගේ 55 වැනි මානව හිමිකම් සැසි වාරයේ දී ආරම්භ විය. එම සමාරම්භක අවස්ථාවේදී අරියකම්මට්ඨාන සංවිධානයේ නිර්මාතෘ පූජ්‍ය ක්ලෙප්පේ අරියමග්ග හිමියන් විසින් සිදු කළ කථාව ඇතුලත් සම්පූර්ණ ප්‍රවෘත්ති වාර්තාව මෙහි අන්තර්ගත වේ.
මෙම ඉතිහාස තොරතුරු නිවැරදි කිරීමෙන් සීහෙළයා ලොව ආදිතම වාසියා බවට නිතැතින්ම පත්වෙන බව අරියකම්මට්ඨාන සංවිධානය විසින් මුළු ලොවටම දැනුම් දෙන්නට කටයුතු කරන ලදි.
#riseupfortruth #truthconnecttv# #ariyakammattana
